♥ حسافه ماكنت أتوقع بأنه وصلنا لهالحال,فساد في فساد ويلاحقونا بنفسهن! وين المسئولين♥

حسافه ماكنت أتوقع بأنه وصلنا لهالحال,فساد في فساد ويلاحقونا بنفسهن! وين المسئولين

--------------------------------------------------------------------------------

بسم الله الرحمن الرحيم

اللهم صل على محمد وال محمد

السلام عليكم و رحمة الله و بركاته

اخواني و اخواتي في الله, بعد ان سمعنا الكلمات من بعض أعضاء المنتدى الي كان يقول في بو كوارة بالذات او المحرق او جدعلي بانه لو سيارة خليجية اتطوف بعض بنات الخليجين وبعض بنات البحرينيات يتلحقون هالأشكال....والطيور ع أشكالها تقع لكن الحجي هاي ماكان يدش الراس....واليكم التجربة كما حدث....


(( بعد استئذان اخونا وصاحبنا البحريني بأخذ سيارته الي نمراتها كويتية وسيارته لكزس gs 2008 وبرزنا الموتر من سيرفس وباليس ولبسنا الثوب والغتره ويازعم احنه كويتين الحين))

((رحنا البوكوارة في تمام الساعه 8 ونص وبينما احنه نفتر (( بنااااااات خليجيات من اللهجة عرفناهم وبنات بحرينيات

يلاحقونا بسياراتهم والي تصارخ والي تقول اوقف لا خلنا نتعرف والي تقول اوقف يالحلو خلنا ندردش)) والي مستغربين منه وين اهاليهم عنهم هاذيلين؟؟؟؟

ولا رفيجي كان يبي يسولف قلت له اسكت لانه مانعرف نتكلم خليجي ههههههههههه وكنا مثقفين عدل
و رفيجي الثاني رد على وحده منهن= قال لوحدة من الي كله ميك اب وهسوالف ها بغيتي شيء بطريقة سريعه قالت له لا بس شرايك نتعرف عليك وعلى ربعك ونقضي سهره ممتعه و جو رمانسي حار؟ === عرفتون قصدهااا =

وين اهلهم عنهم؟
بنات خليجيات من مختلف الجنسيات ومنها البحرينية مرخصين روحهم حق جمن دينار
و حق الحرام استغفرالله ربي واتوب اليه


اعمارهن من 17 الا 25 ....

واهني انا قلت كلام بعض الأعضاء صح الي كان يقول هالحجي
هاذي غير من فترة ليست ببعيدة شفنا وحده كانت ويه امها قاعده قدام واخوانها الصغار وره وكانت تحاول تضرب هرن حق الكويتين الي قدام سيارتهم وامها تحاول تمنعها
يا ترى هاذي قدام امها جذي فما بالكم من خلف امها شتسوي؟!!!!


==== تالي رحنا القضيبية الا استغفرالله بس = اشكال غلط ومن الجنس الثالث
و اذا بسيارة خليجية ثانية من الدولة المجاورة سلم علينا قال لنا تتوقعون شنو؟
قوة شباب الكويت انا ماحصلت فندق لتغيير الدهن ع مستوى دامكم كويتين عندكم خبره
انا اهني رديت عليه انجعم ولاتتكلم عبالك انت في ديرتك؟ ههه اهني انخفس وجهه قال لي انتو بحرينين رفيجي رد عليه ايوة نعم احنه بحرينين وراسنا فوق و الخليجي شخطه ومشه....

=========
ولما نزلنا في شارع المعارض كنا رايحين القهوة واذا احنه طايفين صوب الشقة الفلانية
(( واذا بالأسيوي يقول لنا حياكم في غرف مظلمة على 10 في و على 15 في و على 20 دينار ومن أي جنسية تبون))....و رفيجي قال له عن مطنزه انزين لو بغينا انطلع ويانه وحده بالمجمع بجم؟

قال لنا الاسيوي اطلعها من اهني بـ5 دينار و كل ساعه تحسب لها 4 الا 5 دينار وعلى حسب جنسيتها وعلى الشقة و و ....مايحتاج أكمل....

اهني حقرناه ومشينا....

هاذي غير الي جفناه من أمور ماتنقال واكتفينا باختصار الموضوع وقول الحق....(( وليس كل الخليجين جاين للعب والعربدة انما اكثرهم جاين للعب والعربدة وهاي الموضوع نتكلم فيه عن البنات الي ماندري وين أهاليهم عنهم....))


وين الداخليه لتصدي من هلأشكال
ولا حول ولا قوة الا بالله العلي العظيم وماقول الا
على البحرين السلام
__________________

تستاهل احسن تحية مني شكرا