حب و كبرياء "أول رواية لي بالعامية"

السلام عليكم و رحمة الله تعالى و بركاته .........ز

حب و كبرياء



لعلها هي المرة الأولى و قد تكون الأخيرة التي اكتب بها باللغة "العامية" بعيدة عن عالم الفصاحة و إلى أراضي الواقع و ماهو دارج ...كتبتها فقط لغاية في نفسي أريد التوصل لها و اتمنى بأن اصلها من خلالكم ..فإليكم ما جال بخاطري .


الجزء الأول

أم خالد (أم بمعاني كلمة أم ضحت بشابها و مستقبلها عشان تربي عيالهاخالد (أكبر عيالها 27 سنة مو متزوج شاب وسيم جاد في شخصيته إلا إنه حنون وايد على أخوانه و يخاف عليهم و هو يشتغل مع ابوه في شركته نائب مدير عام)و نور (أكبر خواتها عمرها 20 سنة بنت مؤدبة جميلة حنطاوية طويلة و متروسة شوي سنة ثانية في هندسة تصميم داخلي ) و آخر العنقود محمد ( مراهق بكل مافي الكلمة من معنى عمره 15 سنة مطفر البيت كله بس دمه خفييف و راعي مقالب وااايد حلوه): نور,,, نور.. قومي يمه نجبي الغدا حق اخوانج بعد شوي بييون يبون ياكلون مع ابوج

نور (وهي تصك اللاب توب) :إن شاء الله يمه كاني قايمة ..و قامت تروح تحط الغدا اللي مسويته مع أمها لهم . كانت تنجب و هي سرحانه تفكر في الجامعة إلا و اللي ينغزها من وراها و يطفرها ..مسكينة قامت تصرخ من الخرعة و يوم التفت على اللي فاطسين من الضحك عليها محمد و خالد هدت الغدا و

بعصبية قالت :"نجبو انتو جان فيكم خير أنا ما أبي "

و هدت الصنية و ركبت حجرتها و خلتهم مكملين ضحكهم لين ياهم أبوهم معصب(بو خالد أب حنون وايد على عياله و من النوع اللي همه اهو اسرته يبي يسعدهم بكل الطرق) :"شسويتو حق اختكم أنتو ما تستحون يلا حمود قوم نادها تغدا و انت (يأشر على خالد) ناد ميري تنجب الغدا و لا امك .

خالد رفع راسه :"إن شاء الله يبه بس أنا اللي بانادي نور حمود أرجع محلك ."

رجع محمد مكانه و هو يتمصخر على أخوه"هاهاها أصلا لو رايح جان صكت الباب بويهي لكن حبيب القلب خويلد تنزل و ياه مالت عليها ."أحترم نفسك أنا و اهي أكبر منك صج مانستحي "

و قام خالد و اتجه لغرفة نور و طرق الباب بخفة :"نور نور. يلا نزلي أبوي تحت ينطرج " سوت روحها معصبة و قالت :"أطلع بره أنا ما أبي أحد يلا انزل لهم "

خالد :"هههههههه أنا أصلا للحين ما دخلت و بعدين مو عيب تطردين أخوج العود من غرفتج "

نور :"آسفة . اسبقني و بانزل " و رجع تحت و شوي و إلا أهي نازلة و قعدت يمه على مقعدها.

على الغدا و الكل منشغل بالأكل تكلم خالد :" يبه تدري إن فهود بيرجع اليوم "

ابوه:"أووووووه زين زين ما بغى وايد مصخها برع أعنبوه ما مل"

خالد :" الله يهداك يبه رايح يلعب هو مسكين الدكتوراه ذابحته بس أخيرا الأخ خذها أوووف لاعت جبدي من لندن كل سنة هناك ما بغى أيي " الأبو :"يازعم فاقده حظرتك امفلسني كل ساعة ناط لي هناك "

خالد :"ههههههههههه الله يخليك لي يا أغلى أبو في الدنيا بس تر أنا اشتغل عندك و تكرفني كراف يعني محلل افلوسي "

ابوه :"المهم متى الدكتور فهد بيشرف ابي اتصل في أخوي اتشكر له بسلامته "

خالد :"اليوم إن شاء الله على اربع و نص باروح له المطار بس تكفى يبه تر يبيها مفاجأة لهم ما يبي أحد يدري ".

قاطعهم محمد :"هههههههههه يحليله فهيد بعد يعرف يسوي حركات " ردت عليه نور :"صج ما تستحي أنت الريال شكبر صار و أنت تناديه فهيد اصغر عيالك أهو "

رد عليها :"آقول يا حلوة أكلي و انتي ساكته تراج ناديتيه فهيد نفسي أصغر عيالج اهو"

الابو تدخل :"يالله عاد أكلو و انتو ساكتين أعنوبوكم ساعة ما تقدرون من غير أهواش " الكل سكت و كملو اكلهم بسكات .



بعد الغدا كل من في حال بو خالد دخل غرفته ينام الظهر ليما يأذن العصر و يقوم للصلاة و أم خالد راحت معاه . خالد بعد راح غرفته ونام له شوي بعد ما ضبط المنبه للصلاة لأن نومه ثقيل .

و نور دخلت عالم آخر من دقت على صديقة عمرها سارة :"نورو ووجع تعرفين إن هالحزة وقت نومي شله متصلة "

نور:"سارونه عاد بسج نوم قومي كلميني عندي سالفة ابيج تشاركيني فيها "

سارة و للحين تبي تنهي المكالمة :"أووووووووف شعندج شصاير بعد " نور :"بيرجع ساروه بيرجع اليوم العصر "

سارة ببلاهة :"منو؟؟"

نور :"منو يعني فهد " و سكتت يازعم مستحية لكن سارة وواضح إن النومة طارت و بتفاجأ شديد:"فهد ؟؟ ما غيره حبيب القلب ؟؟"

نور :"ساروه كم مرة قلت لج أهو بحسبة أخوي و أنا أعزه و احترمه كثر خالد أخوي "

سارة :"ههههههههه صج غبية يا يمة داري عن أمج أبوج أخوج أختج هلج كلللللهم بس أنا لا "

نور :"ليش إن شاء الله على راسج ريشة ؟؟" .

سارة :"طبعا و لأني أكثر وحدة فاهمتج و عاجنتج بعد إلا آقول بتروحين بيتهم اليوم "

نور :" لا ليش ؟؟"

سارة :"يعل شلون بتشوفينه ؟"

نور :"ههههههههه الأيام ياية شجايفتني ما شفت خير و بعدين الريال يبيي هله اليوم مو فاضي لي "

سارة :"آقول و انتي و حبج الصامت ذي رقدي عليه احسن لج باجر بيطق له حرمه غيرج و عقب لا تتصلين تصحين و تقولين ما قلت "

نور و لا شعوريا :"بسم الله عليه اشفيج انتي تفاولين يلا طقي و نامي مالت عليج بس"

سارة :"ههههههه كل هذي و ما تحبينه آقول روحي رقدي احسن لج " نور :"على قولتج باي "

سارة :"بايات "

محمد رجع على الاب توب ماله و كمل سوالفة مع ولد عمه نواف و ما قال أي شي عن سالفة رجوع أخوه .

يتبع في نهاية كل اسبوع إنشاء الله إذا نالت اعجابكم

ههههههههههههههههههههههههههههههههههههههه

شكرا تسلم على ال